Umhverfis- og orkustofnun hefur tekið ákvörðun um breytingu á starfsleyfi Málningar hf., kt. 450269-4849.
Málning hf. er með gilt starfsleyfi frá 20. júní 2016 til 20. júní 2032 til framleiðslu á málningu.
Ákvörðunin felur í sér breytingu á 1. ml. 1. mgr. greinar 3.4. í starfsleyfinu þar sem gerður er áskilnaður um að leysiefni skuli geyma við minna en 20°C hita. Málsliðnum er breytt á þá leið að geyma megi leysiefni við ≤25°C hitastig.
Umhverfis- og orkustofnun auglýsti breytingartillögu á tímabilinu 5. febrúar 2025 til 5. mars 2025 á vef Umhverfisstofnunar og einnig á nýjum vef Umhverfis- og orkustofnunar þar sem hægt var að koma með athugasemdir vegna tillögunnar. Engar athugasemdir bárust vegna tillögunnar á auglýsingatíma.
Ákvörðun Umhverfis- og orkustofnunar er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar stofnunarinnar skv. 1. mgr. 65. gr. laga nr. 7/1998, um hollustu hætti og mengunarvarnir, sbr. 4. gr. laga nr. 130/2011, um úrskurðanefnd umhverfis- og auðlindamála.
Meðfylgjandi skjöl:
