Laus störf
Sérfræðingar í vatnamálum
−Sérfræðingar í teymi eftirlits
+Sérfræðingur í teymi orkuskipta og orkunýtni
+Vinnustaðurinn
Umhverfis- og orkustofnun er kjarninn í umhverfis- og orkumálum á Íslandi. Stofnunin gegnir lykilhlutverki í stjórnsýslu orku- og umhverfismála auk þess að vinna að orkuskiptum, orkunýtni og tryggja gæði umhverfisins.
Við leggjum ríka áherslu á að skapa verkefnamiðað vinnuumhverfi sem styður við samvinnu og umbætur.
Starfsemi okkar er staðsett á sex starfsstöðvum um land allt:
- Akureyri
- Egilsstaðir
- Hvanneyri
- Mývatn
- Reykjavík
- Selfoss
Mannauðurinn er grunnstoðin í árangri okkar. Við viljum vera eftirsóknarverður vinnustaður þar sem hæfileikaríkt og drífandi fólk þrífst og dafnar.
Meðalaldur starfsfólks okkar er 41,5 ár, og við erum á bilinu 100-110 starfsmenn sem deilum ástríðu fyrir umhverfisvernd. Við viljum hæfasta starfsfólkið, óháð staðsetningu, og leggjum okkur fram um að öllum líði vel í vinnunni.
Umhverfisvænn og barnvænn vinnustaður
Við erum stolt af því að vera umhverfisvænn vinnustaður, með Svansvottun, ISO 14001 umhverfisstjórnunarkerfi, og þátttöku í verkefninu Græn Skref. Umhverfisvænn lífsstíll er einnig studdur með vegan úrvali í matsalnum okkar á Suðurlandsbraut og samgöngusamningum sem hvetja til umhverfisvænna ferðamáta.
Auk þess erum við barnvænn vinnustaður, sem tryggir sveigjanleika og stuðning við fjölskyldulíf starfsmanna.
Sveigjanlegt og heilsueflandi vinnuumhverfi
Umhverfis- og orkustofnun býður upp á sveigjanlegan vinnutíma með 36 stunda vinnuviku, og fjarvinnuheimild 1-2 daga í viku fyrir mörg störf.
Heilsuefling er hjartans mál og bjóðum við íþróttastyrki fyrir starfsfólk okkar.
