Virkjunarleyfi
Leiðbeiningar fyrir umsókn um virkjunarleyfi
Almennt um virkjunarleyfi
Umhverfis- og orkustofnun veitir leyfi til að reisa og reka virkjun, samkvæmt 1. mgr. 4. gr. raforkulaga nr. 65/2003.
Hvenær þarf ekki að sækja um leyfi?
Ekki þarf virkjunarleyfi fyrir:
- Raforkuver með uppsett afl 100 kW eða minna.
- Raforkuver með uppsett afl undir 1 MW, nema raforka sé afhent inn á dreifikerfi dreifiveitna eða flutningskerfi.
- Varaaflsstöðvar sem gegna eingöngu því hlutverki að útvega afl til eigin nota vegna bilana, skorts á flutningsgetu, orkuskorts eða annarra þátta.
Eigendur virkjana með uppsett afl 30–1.000 kW skulu skila Umhverfis- og orkustofnun tæknilegum upplýsingum um virkjun. Einnig er skylt að tilkynna Umhverfis- og orkustofnun árlega um heildarraforkuvinnslu raforkuvera með uppsettu afli yfir 100 kW.
Í 5 og 6. gr raforkulaga (65/2003) og 4. gr. reglugerðar nr. 1040/2005 er fjallað nánar um skilyrði sem umsókn þarf að uppfylla. Umsóknargögn eru metin meðal annars með hliðsjón af þeim hagsmunum sem raforkulögin eiga að tryggja, og nánar er fjallað um í 1. viðauka, og með hliðsjón af þeim atriðum sem taka þarf á við útgáfu virkjunarleyfis (2. viðauki). Ýmsar af þeim kröfum sem gerðar eru, til dæmis um hönnun og reynslu hönnuða eru meðal annars hugsaðar út frá hagsmunum þriðja aðila (þolenda).
Gjaldtaka
Umhverfis- og orkustofnun er heimilt að innheimta gjald fyrir virkjunarleyfi og fyrir eftirlit sem stofnuninni er falið. Gjaldið má ekki vera hærra en nemur kostnaði við undirbúning, svo sem vegna nauðsynlegrar aðkeyptrar þjónustu, afgreiðslu leyfis og eftirlits með leyfishöfum, samanber 33. gr. raforkulaga.
Umsóknir
Til að sækja um virkjunarleyfi skal fyrst sækja og fylla út umsóknareyðublaðið hér að neðan.
Helstu gögn og upplýsingar sem fylgja skulu umsókn um virkjunarleyfi (sjá nánari leiðbeiningar í umsóknareyðublaði):
- Nafn umsækjanda, kennitala hans, heimilisfang og upplýsingar um rekstrarform.
- Niðurstöður rannsókna á viðkomandi virkjunarkosti, þar á meðal upplýsingar um auðlind, upplýsingar um tæknilega getu umsækjanda, hönnunarforsendur virkjunar og fleira.
- Lýsing á virkjuninni, þar á meðal upplýsingar um hverfla, borholur, stíflur, fallhæð og fleira eins og við á.
- Áhrifamat fyrir vatnshlot og heimild til breytingar á vatnshloti/til að víkja frá umhverfismarkmiði vatnshlots ef við á.
- Framkvæmdaáætlun.
- Fjármögnun.
- Samningar um tengingu við flutningskerfið eða dreifikerfi á viðkomandi svæði.
- Samkomulag við landeigendur og eigendur orkulinda um endurgjald fyrir nýtingu viðkomandi auðlindar.
- Upplýsingar um helstu umhverfisþætti virkjunar og áhrif hennar.
- Upplýsingar um önnur leyfi.
Útfylltri umsókn er svo skilað ásamt fylgigögnum með því að senda okkur skilaboð hér að neðan.
Viðaukar
Viðauki 1 - Um kröfur til raforkulaganna
+Viðauki 2 - Inntak virkjunarleyfis (6. gr. laga 65/2003)
+Var efnið hjálplegt?
Hjálpaðu okkur að bæta gæði efnisins
