Leiðbeiningar um starfsleyfi

Hvað er starfsleyfi?

Starfsleyfi er skrifleg heimild til að starfrækja að öllu leyti eða að hluta tilgreindan atvinnurekstur.

Hvað gilda starfsleyfi lengi?

Heimilt er að gefa starfsleyfi út til tiltekins tíma en starfsleyfi skulu endurskoðuð reglulega eða á að minnsta kosti 16 ára fresti.

Hvað er starfsleyfisskylt hjá Umhverfis- og orkustofnun?

Starfsemi sem fellur undir viðauka I og II laga nr. 7/1998 um hollustuhætti og mengunarvarnir (viðauka I og IX reglugerðar nr. 550/2018 um losun frá atvinnurekstri og mengunarvarnareftirliti). Umhverfis- og orkustofnun veitir jafnframt starfsleyfi fyrir starfsemi sem fellur undir I., II. og IV. viðauka sem er staðsett er á hafi utan sveitarfélagamarka (utan netlaga).

Önnur starfsemi er starfsleyfisskyld hjá heilbrigðisnefnd viðkomandi sveitarfélags eða skráningarskyld samkvæmt viðauka við reglugerð nr. 830/2022 um skráningarskyldan atvinnurekstur samkvæmt lögum um hollustuhætti og mengunarvarnir. Sé um að ræða starfsemi á varnarsvæði gegnir Heilbrigðiseftirlit Suðurnesja því hlutverki sem heilbrigðisnefndum, heilbrigðisfulltrúum og Umhverfis- og orkustofnun er ætlað að gegna, samkvæmt reglugerð nr. 823/2003 um hollustuhætti og mengunarvarnir á varnarsvæðum.

Hvað er starfsleyfisskylt hjá heilbrigðisnefndum?

Starfsemi innan sveitarfélagsmarka sem fellur undir IV. viðauka laga nr. 7/1998 um hollustuhætti og mengunarvarnir og viðauka X í reglugerð nr. 550/2018 um losun frá atvinnurekstri og mengunarvarnareftirliti. 

Athugið að starfsemi kann að vera háð skráningu í stað starfsleyfis hjá heilbrigðisnefnd.