Plastmengun
Plastmengun er eitt af stærstu umhverfisvandamálum samtímans. Árlega enda milljónir tonna af plasti í hafinu, með alvarlegum afleiðingum fyrir náttúruna, dýralífið og heilsu mannfólks.
Til að bregðast við þessu vandamáli er ekki bara nauðsynlegt að draga úr plastnotkun heldur einnig að fylgjast með og vakta umfang og dreifingu plastúrgangs.
Undir OSPAR-samningnum um verndun hafsvæðis Norðaustur-Atlantshafsins hefur verið útbúin vöktunar- og matsáætlun til að meta plastmengun. Vöktunin nær yfir magn rusls:
- Á ströndum
- Á hafsbotni
- Í maga fýla
Matsvísarnir sýna þróun á magni og samsetningu sjávarrusls á mismunandi hluta sjávarins (strönd, hafsbotn og fljótandi) innan OSPAR-svæðisins. OSPAR vinnur einnig að því að bæta við nýjum matsvísi sem mun meta magn örplasts í sjávarseti.
Á Íslandi hefur vöktun á rusli á ströndum verið í gangi frá 2016. Mælingar á plasti í maga fýla hófust árið 2018. Forkönnun á örplastmengun í kræklingi var einnig framkvæmd árið 2018.
Vöktun stranda
Umhverfis- og orkustofnun vaktar rusl á ströndum, samkvæmt aðferðafræði og leiðbeiningum frá OSPAR. Vaktað er fyrirfram afmarkað svæði á hverri strönd.
Plast í fuglum
Náttúrustofu Norðausturlands rannsakra magn plasts í maga fýla, samkvæmt staðlaðri aðferðafræði frá OSPAR, samkvæmt samningi við Umhverfis- og orkustofnun.
Örplast í kræklingi
Rannsóknasetur Háskóla Íslands á Suðurnesjum framkvæmdi forkönnun á örplastmengun í kræklingi að beiðni forvera Umhverfis- og orkustofnunar
Skýrsla um rusl á ströndum
Nýjasta yfirlitsskýrsla OSPAR um magn, samsetningu og þróun rusls á ströndum.
Var efnið hjálplegt?
Hjálpaðu okkur að bæta gæði efnisins
