Umhverfis- og orkustofnun hefur veitt Háskólanum á Akureyri, kt. 520687-1229, almennt rannsóknarleyfi til grunnrannsókna á örverum á jarðhitasvæði A 16 Þeistareykir.  

Rannsóknarleyfið er gefið út í samræmi við 34. gr. laga nr. 57/1998 um rannsóknir og nýtingu á auðlindum í jörðu og reglur um veitingu leyfa til rannsókna og nýtingar á örverum sem vinna má á jarðhitasvæðum, nr. 234/1999. 

Ákvörðun Umhverfis- og orkustofnunar um útgáfu rannsóknarleyfis er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar Umhverfis- og orkustofnunar skv. 2. mgr. 33. gr. auðlindalaga og sbr. 4. gr. laga nr. 130/2011 um úrskurðarnefnd umhverfis- og auðlindamála.