Umhverfis- og orkustofnun hefur tekið ákvörðun um framlengingu á gildistíma starfsleyfis Veitna ohf. fyrir rekstur hitaveitu Hveragerðis.

Samkvæmt. 4. mgr. 6. gr. laga nr. 7/1998 um hollustuhætti og mengunarvarnir má útgefandi starfsleyfis framlengja gildistíma starfsleyfis meðan nýtt starfsleyfi er í vinnslu, að hámarki til eins árs, hafi fullnægjandi umsókn borist útgefanda. Áform um framlengingu voru auglýst á heimasíðu Umhverfis- og orkustofnunar frá 25. júní til og með 28. júní sl. Engar athugasemdir bárust á auglýsingatímanum.

Framlenging á starfsleyfi Veitna ohf. er hér með veitt og mun gilda þar til nýtt starfsleyfi er gefið út eða í síðasta lagi til 2. júlí 2027. 

Ákvörðun Umhverfis- og orkustofnunar um framlengingu starfsleyfis er kæranleg til úrskurðarnefndar umhverfis- og auðlindamála innan eins mánaðar frá birtingu hennar.