Umhverfis- og orkustofnun hefur veitt Landsvirkjun nýtingarleyfi á jarðhita á Þeistareykjum í Þingeyjarsveit, í samræmi við ákvæði laga nr. 57/1998 um rannsóknir og nýtingu auðlinda í jörðu.
Nýtingarheimildir eru auknar frá fyrra leyfi vegna stækkunar Þeistareykjastöðvar úr 100 MW í 180 MW, og eru þær nú 28,5 PJ/a (verg frumorka) og 15 Tg/a (vökvi úr jarðhitageymi). Nýtingarleyfið tekur þegar gildi og gildir til 6. mars 2074.
Ákvörðun Umhverfis- og orkustofnunar um útgáfu nýtingarleyfis er kæranleg til úrskurðarnefndar umhverfis- og auðlindamála innan eins mánaðar frá því kæranda varð kunnugt eða mátti vera kunnugt um ákvörðunina skv. 2. mgr. 33. gr. auðlindalaga og sbr. 4. gr. laga nr. 130/2011 um úrskurðarnefnd umhverfis- og auðlindamála.
