Umhverfis- og orkustofnun hefur móttekið umsókn Arctic Sea Farm ehf. um starfsleyfi fyrir allt að 200 tonna sjókvíaeldi á regnbogasilungi og bleikju í Önundarfirði.
Umhverfis- og orkustofnun hefur farið yfir umsóknina og metið hana fullnægjandi. Á næstunni verður unnin tillaga að nýju starfsleyfi og verður hún auglýst opinberlega í fjórar vikur.
Öllum gefst tækifæri til að koma með athugasemdir á auglýsingatíma áður en ákvörðun um útgáfu á starfsleyfinu verður tekin.
