Umhverfis- og orkustofnun hefur móttekið umsókn Sæbýlis reksturs ehf. um nýtt starfsleyfi að Vitabraut 7 á Reykjanesi. Um er að ræða allt að 300 tonna landeldi á sæeyrum.
Umhverfis- og orkustofnun hefur farið yfir umsóknina og metið hana fullnægjandi. Á næstunni verður unnin tillaga að nýju starfsleyfi og verður hún auglýst opinberlega í fjórar vikur.
Öllum gefst tækifæri til að koma með athugasemdir á auglýsingatíma áður en ákvörðun um útgáfu á starfsleyfinu verður tekin.
