Til baka
11. apríl 2025
Útgáfa á starfsleyfi Steinullar hf., Sauðárkróki.
Umhverfisstofnun hefur tekið ákvörðun um útgáfu starfsleyfis fyrir steinullarverksmiðju Steinullar hf., Sauðárkróki. Rekstraraðili hefur heimild til að framleiða allt að 2.500 kg á klukkustund af steinull og steinullarafurðum auk heimildar til að jarðgera allt að 1.000 tonn af moltu á ári.
Tillaga að nýju starfsleyfi var auglýst á tímabilinu 11. mars til og með 8. apríl 2025 þar sem hægt var að koma með athugasemdir vegna hennar. Engar athugsemdir bárust við auglýsta tillögu.
Greinargerð vegna útgáfunnar fylgir aftast í starfsleyfinu, sbr. 6. gr. reglugerðar nr. 550/2018.
Ákvörðun Umhverfisstofnunar er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar stofnunarinnar skv. 1. mgr. 65. gr. laga nr. 7/1998, um hollustu hætti og mengunarvarnir, sbr. 4. gr. laga nr. 130/2011, um úrskurðanefnd umhverfis- og auðlindamála.
Tengd skjöl
