Umhverfis- og orkustofnun hefur veitt Arnarlaxi leyfi til nýtingar grunnvatns allt að 500 lítrum á sekúndu í landi Gileyrar og Eysteinseyrar, Vesturbyggð, fyrir seiðaeldisstöð fyrirtækisins á Gileyri í Tálknafirði, í samræmi við 4. gr. laga um rannsóknir og nýtingu á auðlindum í jörðu, nr. 57/1998.
Ákvörðun Umhverfis- og orkustofnunar um útgáfu nýtingarleyfisins er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar Umhverfis- og orkustofnunar skv. 2. mgr. 33. gr. auðlindalaga og sbr. 4. gr. laga nr. 130/2011 um úrskurðarnefnd umhverfis- og auðlindamála.
