Lagaumgjörð og regluverk
Raforkueftirlitinu er falið víðtækt umsjónarhlutverk í raforkumálum og þar á meðal eftirlit með flutningi og dreifingu raforku
Umsjónarhlutverki Raforkueftirlitsins samkvæmt raforkulögum má skipta í eftirtalda þætti:
- Almennt eftirlit með framkvæmd raforkulaga
- Eftirlit með aðskilnaði rekstrarþátta í bókhaldi flutningsfyrirtækis og dreifiveitna
- Setning tekjumarka
- Eftirlit með gjaldskrám fyrir flutning og dreifingu raforku
- Eftirlit með afhendingargæðum raforku
- Sinna ábendingum notenda sem telja að raforkufyrirtækin hafi brotið á sér
Þegar ágreiningur kemur upp
Hver sá sem telur raforkufyrirtæki brjóta á rétti sínum með ákvörðunum, framkvæmdum eða athafnaleysi getur borið málið undir Umhverfis- og orkustofnun.
Að undangengnum lögmæltum undirbúningi og rannsókn máls tekur stofnunin stjórnvaldsákvörðun um hvort sú starfsemi fyrirtækis, sem málið lýtur að, sé í samræmi við lög. Ef starfsemin er ekki í samræmi við heimildir raforkulaga getur Umhverfis- og orkustofnun krafist þess að úr verði bætt að viðlögðum dagsektum.
Stjórnvaldsákvarðanir stofnunarinnar í raforkumálum eru kæranlegar til úrskurðarnefndar raforkumála.
Var efnið hjálplegt?
Hjálpaðu okkur að bæta gæði efnisins
