Vatnavefsjá

Vatnavefsjáin er landupplýsingakerfi fyrir stjórn vatnamála. Hún er rekin í samstarfi við Veðurstofu Íslands og er eitt helsta verkfærið sem notað er við framkvæmd laga um stjórn vatnamála.

Í vefsjánni er hægt að finna upplýsingar um:

• Vatnshlotin sjálf
• Afmörkun vatnshlota
• Ástand vatnshlota
• Umhverfismarkmið
• Álagsþætti

Einnig er hægt að skoða ýmis gögn varðandi náttúrufar og landgerð.

Ábendingar

Ávallt er reynt að sýna nýjustu upplýsingar og gögn í vefsjánni. Ef notendur verða varir við villur eða vilja koma á framfæri ábendingum varðandi innihald vefsjárinnar eru þeir hvattir til þess að senda ábendingu á tölvupóstfang stjórnar vatnamála vatn@uos.is.

Skil á gögnum

Til þess að hægt sé að birta ástand vatnshlota þarf gögn sem segja til um ástand. Íslensk stjórnvöld ásamt aðilum sem valda álagi á vatnshlot vakta vatnshlot og skila gögnum í Skilagátt sem miðlar þeim í vatnavefsjánna.

Nauðsynlegt er að skila vöktunargögnum til að geta metið ástand vatnshlota en með vöktunargögnum eru vatnshlot ástandsflokkuð í samræmi við ákvæði laga stjórnar vatnamála og fylgst með mögulegum breytingum eða áhrifum á vatn vegna álags. Mengandi starfsemi hefur þá skyldu að vakta áhrif sín á umhverfið og er nú vinna í gangi við að innleiða kröfur stjórnar vatnamála í starfsleyfi mengandi iðnaðar. Samtímis er verið að straumlínulaga og auðvelda ferlið við skil á gögnum í gegnum Skilagátt stjórnar vatnamála. Jafnframt geta vöktunaraðilar t.d. verkfræðistofur, sveitarfélög, ríkisstofnanir, heilbrigðiseftirlit og náttúrustofur skilað inn vöktunargögnum í skilagáttina.

Umhverfisstofnun hefur gert leiðbeiningar um hvernig skila eigi gögnum en fyrsta skrefið er að fá aðgang að Skilagáttinni í gegnum island.is.