6 klst.

Umhverfis- og orkustofnun

Alla sem starfa við húðrof, svo sem húðgötun, húðflúrun, varanlega förðun og nálastungur, og hafa ekki lokið námi á heilbrigðissviði sem felur í fræðslu um smitgát og sóttvarnir.

Að auka öryggi fyrir bæði þá sem framkvæma húðrof sem og þá sem þiggja slíka meðferð. Á námskeiðinu er farið sérstaklega yfir þætti sem snúa að hreinlæti og sóttvörnum fyrir húðrof sem og takmarkanir á efnainnihaldi húðflúrlita og skartgripa sem settir eru í húð, í því skyni að efla þekkingu þeirra sem starfa við húðrof og færni þeirra við framkvæmd sóttvarna og smitgátar.

Fyrirlestrar og sýnikennsla (myndbönd).

Krossapróf þar sem ná þarf lágmarkseinkunn 7 af 10 til að standast hæfniviðmið.

• Lög, reglugerðir og starfsleyfisskilyrði sem gilda um húðrof, húðgötun og húðflúrun.
• Líkaminn og húðin og algeng viðbrögð við inngripum.
• Örverur og sýklar, lífsskilyrði þeirra, smitleiðir og sýkingarhætta við húðrof.
• Hreinsun, sótthreinsun og dauðhreinsun og nauðsynleg efni, tæki og búnaður.
• Eftirlit með sótthreinsunartækjum (þvottavél) og dauðhreinsunartækjum (sæfum, autoklöfum).
• Virkni mismunandi sótthreinsiefna.
• Mikilvægi persónulegs hreinlætis og klæðnaður starfsfólks.
• Hlífðarbúnaður og rétt notkun hans.
• Uppsetning, frágangur og þrif á starfstöð.
• Skylda þess sem stundar húðrof um að leiðbeina viðskiptavini um atriði er varða húðrof, húðflúrun eða húðgötun, svo sem varanleika inngrips, áhættuþætti á borð við lyfjanotkun, undirliggjandi sjúkdóma eða ofnæmisvalda sem geta haft áhrif á fyrirhugaða meðferð, viðeigandi eftirmeðferð, lágmarksaldur og annað það sem nauðsynlegt er fyrir viðskiptavin að hafa vitneskju um til að geta tekið upplýsta ákvörðun varðandi meðferðina.
• Skráning og varðveisla upplýsinga varðandi viðkomandi meðferð, meðal annars um innihald húðflúrlita.
• Kröfur varðandi málma í skartgripum sem settir eru í húð.
• Kröfur varðandi efni notuð við húðflúr.
• Meðferð almenns og sóttmengaðs úrgangs.
• Meðferð beittra og/eða oddhvassra hluta og viðbrögð við atvikum og óhöppum.
• Gerð áhættu- og viðbragðsáætlana vegna óvæntra atvika svo sem yfirliðs, blæðingar, bráðaofnæmis og þess háttar.

• Þekkja til laga og reglna sem gilda um starfsemina.
• Þekkja til líkamlegra þátta sem þessi starfsemi snertir, einkum húðina.
• Þekkja mögulega sýkingarhættu við vinnu.
• Þekkja reglur um persónulegt hreinlæti, klæðnað starfsfólks og notkun hlífðarbúnaðar.
• Þekkja hvernig ber að þrífa starfsstöð og vinnustaðinn fyrir og eftir hverja meðferð.
• Þekkja mun á sótthreinsun og dauðhreinsun og reglur um að einungis dauðhreinsaðir hlutir mega fara inn í húðina eða líkamann.
• Þekkja reglur um hvaða málma má nota í húðgötun.
• Þekkja reglur um hvaða efni og litarefni eru notuð við húðflúr svo og hvaða áhrif og afleiðingar notkun slíkra efna getur haft.
• Þekkja til skyldu til að veita skriflegar og munnlegar leiðbeiningar varðandi húðrof, húðgötun og húðflúrun.
• Þekkja reglur um meðferð á sérstökum úrgangi, þar með talið á sóttmenguðum úrgangi.
• Hafa grunnþekkingu til að gera áhættu- og viðbragðsáætlanir varðandi til dæmis hvað skal að gera ef fólk kvartar undan vanlíðan, fellur í yfirlið eða viðkomandi viðskiptavini snöggblæðir eða ekki er hægt að stöðva blæðingu.