Umhverfis- og orkustofnun hefur fallist á að framlengja gildistíma starfsleyfis Lækjarbotnableikju fyrir rekstur landeldis að Lækjarbotnum í Rangárþingi ytra.
Samkvæmt. 4. mgr. 6. gr. laga nr. 7/1998 um hollustuhætti og mengunarvarnir má útgefandi starfsleyfis framlengja gildistíma starfsleyfis meðan nýtt starfsleyfi er í vinnslu, að hámarki til eins árs, hafi fullnægjandi umsókn borist útgefanda. Áform um framlengingu voru auglýst á heimasíðu Umhverfis- og orkustofnunar frá 10. janúar til og með 13. janúar s.l.
Framlenging á starfsleyfi Lækjarbotnableikju er hér með veitt og mun gilda þar til nýtt starfsleyfi er gefið út eða í síðasta lagi til 15. janúar 2026.
Ákvörðun Umhverfis- og orkustofnunar um framlengingu starfsleyfis er kæranleg til úrskurðarnefndar umhverfis- og auðlindamála innan eins mánaðar frá birtingu hennar.
Tengd skjöl:
