Umhverfis- og orkustofnun hefur móttekið umsókn Guðlaugs H Kristmundssonar (áður Lækjarbotnableikja) um starfsleyfi fiskeldisstöðvar í Rangárþingi ytra, norðan Hellu. Um er að ræða 20 tonna bleikjueldi. Starfsleyfi var í gildi frá 2014-2025 og var það framlengt í janúar sl. um eitt ár. Ekki er um að ræða breytingu á umfangi.
Umhverfis- og orkustofnun hefur farið yfir umsóknina og metið hana fullnægjandi. Á næstunni verður unnin tillaga að nýju starfsleyfi og verður hún auglýst opinberlega í fjórar vikur.
Öllum gefst tækifæri til að koma með athugasemdir á auglýsingatíma áður en ákvörðun um útgáfu á starfsleyfinu verður tekin.
