Svifryksmengun um áramótin 

Raforkueftirlitið hefur birt ákvörðun um leyfða arðsemi af flutningi og dreifingu raforku fyrir árið 2027. Arðsemin byggir á vegnum fjármagnskostnaði.  Fyrir árið 2027 nemur veginn fjármagnskostnaður fyrir skatt:  5,28% fyrir flutning raforku til stórnotenda  5,76% fyrir flutning raforku til dreifiveitna  5,81% fyrir dreifing raforku til almennra notenda  Hlutverk leyfðrar arðsemi  Tekjumörk sérleyfisfyrirtækja byggja á leyfðum fjármagnskostnaði, rekstrarkostnaði og afskriftum. Leyfður fjármagnskostnaður endurspeglar kostnað fyrirtækjanna af því fjármagni sem er bundið í starfseminni. Hann skiptist í tvennt:  Leyfð arðsemi fastafjármuna, þar sem veginn fjármagnskostnaður er margfaldaður með verðlagsleiðréttu bókfærðu virði þeirra eigna sem teljast til sérleyfisstarfseminnar.  Leyfð arðsemi á veltufé, sem er reiknað með föstu hlutfalli (t.d. 20% í tilfelli flutningsfyrirtækisins) af tekjumörkum fyrra árs og síðan margfaldað með vegnum fjármagnskostnaði, til að endurspegla fjármagnsþörf vegna tímatafar á innheimtum tekjum.   Endurskoðun fastra matsbreytna  Sérfræðinganefnd hefur unnið að endurskoðun fastra matsbreytna í samræmi við 7. gr. reglugerðar nr. 192/2016. Nefndin hefur birt drög að áliti sínu. Nefndin hefur ekki lokið störfum sínum og því eru fastar matsbreytur eru óbreyttar frá fyrra ári.  Niðurstöður nefndarinnar og samráð við hagsmunaaðila er skilyrði þess að Raforkueftirlitið geti lagt fram tillögu til ráðherra um endurskoðun fastra matsbreytna um leyfða arðsemi.  Ákvörðun tekin árlega  Samkvæmt reglugerð nr. 192/2016 ber Raforkueftirlitinu að ákvarða veginn fjármagnskostnað fyrir næsta almanaksár eigi síðar en 15. maí ár hvert.   

Losun margra loftmengunarefna á Íslandi hefur minnkað umtalsvert frá árinu 1990. Mesta breytingin hefur orðið í losun sem tengist úrgangsbrennslu, vegasamgöngum og fiskiskipum. Losun óbeinna gróðurhúsalofttegunda, svifryks og sóts hefur almennt dregist saman. Þar vegur þungt minni eldsneytisnotkun fiskiskipa og auknar kröfur um mengunarvarnir í bílum. Losun þrávirkra lífrænna efna hefur einnig minnkað verulega. Opinn bruni úrgangs hefur nánast lagst af og sorpbrennslustöðvum fækkað. Sem dæmi hefur losun díoxíns dregist saman um meira en 90% frá 1990. Þróun losunar á þungmálmum er hins vegar fjölbreyttari. Losun frá fiskiskipum hefur minnkað og blýmengun frá bensíni er nánast horfin. Á sama tíma hafa álframleiðsla og bílaumferð orðið umfangsmiklar uppsprettur sumra þungmálma.  Í töflunni hér fyrir neðan eru dæmi um losun loftmengunarefna árið 2024, helstu uppsprettur þeirra og breytingar frá árinu á undan.

Umhverfis- og orkustofnun stendur fyrir námskeiðum í sóttvörnum fyrir þau sem framkvæma hvers kyns húðrof, svo sem húðgötun, húðflúrun, fegrunarflúrun og nálastungur. Námskeiðið er skylda fyrir þau sem hafa ekki lokið námi á heilbrigðissviði sem felur í sér fræðslu um smitgát og sóttvarnir. Frá og með 1. janúar 2026 þurfa allir sem stunda húðrof að geta framvísað staðfestingu þess efnis að þeir hafi setið námskeiðið eða séu með tilskylda menntun á heilbrigðissviði. Sjá nánar í 2. mgr. 34. gr. rg. nr. 903/2024 um hollustuhætti. Information on the course in English Um námskeiðið Á námskeiðinu verður farið yfir alla þætti sem snúa að framkvæmd húðrofs með sérstaka áherslu á sóttvarnir og hreinlæti. Námskeiðið er blanda af fyrirlestrum og sýnikennslu. Í lok námskeiðs þurfa þátttakendur að standast hæfnispróf. Nauðsynlegt er að hafa meðferðis eigið snjalltæki til að taka hæfnisprófið á. Kennarar á námskeiðinu eru: Ása S. Atladóttir, hjúkrunarfræðingur Brynjar Björnsson, húðflúrari Ísak S. Bragason, teymisstjóri í teymi efnamála hjá Umhverfis- og orkustofnun Sigríður Kristinsdóttir, teymisstjóri í teymi eftirlits hjá Umhverfis- og orkustofnun Stella Hrönn Jóhannsdóttir, sérfræðingur hollustuhátta hjá Umhverfis- og orkustofnun Dagsetningar Þriðjudagurinn 30. júní frá kl. 9 – 16. Kennt á ensku. Síðasti skráningardagur er 21. júní. Síðasti greiðsludagur 27. júní. Information on the course in English Námskeiðsgjald Námskeiðsgjald er 49.900 kr. Greiðsluseðill verður sendur í heimabanka umsækjanda og afrit af reikningi á mínar síður á island.is. Staðsetning Námskeiðið verður haldið á Hótel Reykjavík Grand, Sigtúni 28, 105 Reykjavík. Skráning Skráning fer fram á https://gogn.ust.is/ Skráning er staðfest þegar námskeiðsgjöld hafa verið greidd. Lágmarksfjöldi Lágmarksfjöldi á námskeiðið er 25 manns. Námskeiðið fellur niður ef ekki næst lágmarks þátttaka. Námskeiðið er fyrir þau sem framkvæma nálastungur, fegrunarflúrun, húðgötun og húðflúrun.

Umsóknarfrestur um styrki Loftslags- og orkusjóðs til uppbygginga hleðsluinnviða hefur verið framlengdur til 16. júní 2026.