Umhverfis- og orkustofnun hefur tekið ákvörðun um að veita Háskóla Íslands bráðabirgðaheimild til að hefja kennslustarfsemi í kennslustofum á annarri hæð í norðurálmu húsnæðisins Sögu við Hagatorg 1 (F2028392, merking 01 0101).

Umhverfis- og orkustofnun er heimilt skv. 7. gr. a. laga nr. 7/1998 um hollustuhætti og mengunarvarnir að veita rekstraraðila bráðabirgðaheimild að uppfylltum skilyrðum.

Áformin voru auglýst á heimasíðu stofnunarinnar þann 25. ágúst til og með 27. ágúst 2025, engar athugasemdir bárust.

Ákvörðun Umhverfis- og orkustofnunar er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar stofnunarinnar skv. 1. mgr. 65. gr. laga nr. 7/1998, um hollustu hætti og mengunarvarnir, sbr. 4. gr. laga nr. 130/2011, um úrskurðanefnd umhverfis- og auðlindamála.