Óhappa- og slysaskráning
Verði óhapp er mikilvægt að skrá atburðinn vegna innra eftirlits og utanumhalds um starfsemina. Verði slys þar sem barn meiðist og þarf að fara á bráðamóttöku sjúkrahúss eða heilsugæslu skráist það í Slysaskrá Íslands. Því er mikilvægt að fylla út þar til gert eyðublað vegna óhappa þegar allt er um garð gengið.
Áhættumat hefur verið tekið upp á ýmsum stöðum, svo sem í leikskólum, íþróttahúsum og á sund- og baðstöðum, og er skráning óhappa og slysa mikilvægur hluti þess. Starfsfólk þarf að þekkja skráningarferlið og vita hvar eyðublöðin eru.
Helstu skráningaratriði í kjölfar slyss
- Nafn
- Kennitala
- Kyn
- Dagsetning óhapps
- Tími óhapps
- Tegund óhapps
- Starfsemi, heimilisfang
- Lýsing á atviki
- Áverkar
- Athugasemdir (nánar um aðstæður og atvik)
- Tilkynning um slys (til dæmis til foreldra, tryggingafélags eða heilbrigðiseftirlits)
- Eftirfylgni (til dæmis fór heim eða í læknisþjónustu í fylgd foreldra, kallað á sjúkrabíl, áætlun um úrbætur)
Eyðublöð
Hér eru óhappaskráningarblöð fyrir leik- og grunnskóla, íþróttahús og sund- og baðstaði, sem einnig má hafa til viðmiðunar fyrir aðra starfsemi, og skráningarblað fyrir óhöpp sem verða á öðrum stöðum.
Var efnið hjálplegt?
Hjálpaðu okkur að bæta gæði efnisins





