Skref 3 í Grænum skrefum
Uppfylla þarf minnst 90% (21 af 23 aðgerðum) til að ljúka skrefinu
Gátlisti
Hér er hægt að hlaða niður gátlista á Excel formi með öllum skrefum og aðgerðum skrefanna. Þetta vinnuskjal er lykilatriði í að halda utan um innleiðingu verkefnisins. Umhverfis- og orkustofnun fer yfir skjalið fyrir hverja úttekt.
Aðgerðir í skrefi 3
Miðlun og stjórnun (2 aðgerðir)
- Við höfum sett okkur mælanleg markmið fyrir þá umhverfisþætti sem umhverfis-og loftslagsstefna okkar nær til.
- Við höldum utan um og miðlum umhverfismálum til starfsfólks á innri vef og skipuleggjum reglulega þátttöku í umhverfisviðburðum/verkefnum, til dæmis Stóri plokkdagurinn, strandhreinsun, samgönguvika, nýtnivika.
Innkaup (5 aðgerðir)
- Við höfum innleitt verklag um umhverfisvæn innkaup og þjónustu, þar sem gerðar eru kröfur um umhverfisvottaðar vörur og þjónustu (áreiðanleg umhverfismerki, til dæmis Svanur eða Evrópublómið).
- Starfsfólk notar hleðslurafhlöður í stað einnota rafhlaða eða eru með tengingu við rafmagn (hægt er að kaupa svansvottaðar einnota og fjölnota rafhlöður).
- Áður en húsgögn/búnaður eru keypt er fyrst athugað hvort til séu notuð húsgögn í geymslu, hjá öðrum stofnunum/fyrirtækjum eða á nytjamarkaði.
- Ef kaupa á ný húsgögn/búnað, skoða þá ný húsgögn sem eru með umhverfisvottun, svo sem Svaninn eða Evrópublómið (gott er að kynna sér rammasaminga).
- Rafvæðing í garðslætti
Samgöngur (4 aðgerðir)
- Hjól, rafhjól og eða rafhlaupahjól eru í boði fyrir starfsfólk til þess að ferðast, til dæmis á fundi utan stofnunar.
- Við bjóðum starfsfólki okkar upp á sveigjanlegan vinnutíma sé þess kostur, til dæmis að mæta til vinnu utan háannatíma. Við bjóðum starfsfólki okkar upp á fjarvinnu að minnsta kosti einu sinni í viku sé þess kostur.
- Við höfum náð markmiðum með 60% losunarfrían bílaflota og fengið viðurkenningu fyrir silfurdekkið.
- Ferðavenjukönnun er gerð árlega.
Rafmagn og húshitun (3 aðgerðir)
- Við höfum lagt áherslu á miðlæga nýtingu prentara, tölvubúnaðar og annarra raftækja og höfum fækkað tækjum og samnýtt þau eins og kostur er.
- Við drögum úr orkunotkun með reglulegu eftirliti, stillingu hita og lýsingar.
- Húshitun á rafhituðum svæðum. Við tryggjum bætta orkunýtni, til dæmis með varmadælu.
Flokkun og minni sóun (4 aðgerðir)
- Við setjum okkur markmið um hversu mikið við ætlum að draga úr myndun á blönduðum úrgangi og leggjum til áætlun til að ná þeim markmiðum.
- Við upplýsum starfsfólk um árangur á innri vef, til dæmis með úrgangstölum og myndbirtingum.
- Skrifstofuvörur sem má endurnota er skilað á sérmerktan stað sem starfsfólk þekkir og getur nálgast. Dæmi um slíkar vörur eru möppur, pennar og umslög.
- Útgáfa kynningarefnis og annars efnis er ávallt rafræn. Ef nauðsynlegt er að gefa út pappírsútgáfu er hún í takmörkuðu upplagi.
Viðburðir og fundir (2 aðgerðir)
- Fyrir viðburði og fundi þar sem boðið er upp á veitingar er passað að rétt magn af mat sé keypt eða pantað til að lágmarka matarsóun. Til dæmis með því að halda utan um skráningu á viðburði.
- Við val á gistirými, bæði erlendis og innanlands, er starfsfólk hvatt til þess að velja staði með umhverfisvottun.
Eldhús og kaffistofur (1 aðgerð)
- Við höfum gert athugun á matarsóun frá eldhúsi/mötuneyti í minnst eina viku á ári. Sjá leiðbeiningar í myndbandi á heimasíðu Grænna skrefa.
Sértæk aðgerð
- Aðgerð sem vinnustaðurinn/starfsstöðin hefur framkvæmt og tengist sérstaklega starfsemi stofnunarinnar og stuðlar að umhverfismálum. Umsjónarmenn Grænna skrefa meta hvort stig sé gefið fyrir aðgerðina.
Viðbótar aðgerð
- Aðgerð sem vinnustaðurinn/starfsstöðin hefur framkvæmt og er framlag til umhverfismála. Umsjónarmenn Grænna skrefa meta hvort stig sé gefið fyrir aðgerðina.
Listi yfir viðbótaraðgerðir
Var efnið hjálplegt?
Hjálpaðu okkur að bæta gæði efnisins
