Skref 5 í Grænum skrefum
Uppfylla þarf minnst 90% (14 af 15 aðgerðum) til að ljúka skrefinu
Gátlisti
Hér er hægt að hlaða niður gátlista á Excel formi með öllum skrefum og aðgerðum skrefanna. Þetta vinnuskjal er lykilatriði í að halda utan um innleiðingu verkefnisins. Umhverfis- og orkustofnun fer yfir skjalið fyrir hverja úttekt.
Aðgerðir í skrefi 5
Loftslagsstefna (4 aðgerðir)
- Við höfum skilgreint helstu umhverfisþætti, lagakröfur og gildissvið starfsemi okkar, og tryggjum reglulega yfirferð og samræmi við umhverfis- og loftslagstefnu og aðgerðaáætlun.
- Loftslagsstefna skal vera aðgengileg hagsmunaaðilum, til dæmis á heimasíðu.
- Við erum búin að skila inn aðgerðaráætlun á graenskref@graenskref.is.
- Rýni stjórnenda fer fram árlega.
Markmið í aðgerðaáætlun (4 aðgerðir) - aðgerðir skulu vera:
- Tímasettar.
- Hafa tilgreindan ábyrgðaraðila.
- Vera endurskoðað, uppfært árlega.
- Setja fasta tímasetningu á platínu dekk í bílaflotanum.
Eftirfylgni og ábyrgð (6 aðgerðir)
- Mælt er með einföldu og aðgengilegu fyrirkomulagi fyrir eftirfylgni, þar sem unnt er að tryggja að umbótum sé fylgt eftir. Við höfum skilgreint hlutverk og ábyrgð lykil starfsfólks.
- Skoðað hlutfall samgöngusamninga hjá starfsfólki. Borið saman við fyrri ár.
- Samgöngukönnun er lögð fyrir starfsfólk árlega og niðurstöðum skilað á grænskref.is.
- Árleg samantekt á magni á blönduðum úrgangi á stofnuninni, borið saman við fyrri ár.
- Hafa skýra ábendingarleið fyrir starfsfólk ef eitthvað í starfseminni samræmist ekki aðgerðaráætlun.
- Vera vakandi yfir umhverfisskilyrði í rammasamningum, og senda póst á graenskref@graenskref.is ef stofnun er var við annmarka eða þjónustu sem ekki uppfylla ákvæði rammasamninga. Dæmi: Ef leigður er bílaleigubíll og leiguaðili býður ekki upp losunarfrítt ökutæki.
Fræðsla (1 aðgerð)
- Við upplýsum og fræðum stöðugt starfsfólk okkar til að gera þá meðvitaðri og hæfari í að draga úr umhverfisáhrifum í störfum sínum og daglegu lífi. Við setjum okkur fræðsluáætlun fyrir hvert ár þar sem fram kemur hvernig fræðsla fer fram á árinu, hversu oft, hvenær og hver sér um hana.
Var efnið hjálplegt?
Hjálpaðu okkur að bæta gæði efnisins
